ضيعتي معك لا سرقة ولاهي ظليمة وش عشانه ندلّ ؟ أنا سعيد بضياعي

نفسي مهاويته وعيني تراعيه وعليه قلبي ذاهبٍ ذيهبانه

المهتوي طرد المها ما يعنّيه كنه على زل العجم بـ اعديانه

عيون الشامتين اللي ترقّب طيحتي، لا باس انا حصانٍ ليا منّه كبا .. تنتشله امجاده طلال الصقيه

جميع الدروب اللي تجيها تنابت ورد وجميع الوجيه اللي تقابلك محظوظه

الظن بوابة اثم .. والردى بيت بـ تصد والا تقلط انت وضميرك حطيتني ضدك على شان رتويت وانا ماني ضدك ولا ضد غيرك (:

ماهيب سنّه ولاهي فرض محبتك ، يا بعد حالي معقول ما في نساء الارض اللي تطلعك من بالي !

من الماضي وانا وياك لـ المستقبل المجهول اعالج كل جرحً وسط قلبك ناقلً همه مع ان قلبي غدا كنه جسد سيف الله المسلول ماتلقى موضع الا فيه جرحً نازفً دمه

بطون القصايد من حروفك ماهيب اعجاف انا كلّ يوم …. اقلّط اسمك على قافي

امّر البيت ، واطوفه طواف وداع لا مرّيت ويبقى من صدى تنهيدتي ! نظره وتلويحه

طال درب التيه .. والغربه تبي راحة وطن من بعد .. مسرى جدايلها وخط كفوفها طلال الصقيه

غريب الليل مثل أسمي إلى طوّل ما مرّ شْفاك حروفه جلفه ، وتمسك " كلامي " من تلابيبه

لا مسّني من غثى الايام يومين مسّيت من فوق غرَّبها شدادي

كلامك اللي ينفقد بعض الاحيان ليتك تقول اللي ابي منْك .. ليتك انا ماصرت اسافر الا على شان : " تروح وترجع بالسلامه فديتك "

و الزم من الشعره اللي فـ المحيّا شعرةً .. بين التواضع والضعافه

أنت مثل الحياة الفانية بالتمام عارف إني بخليها ، وحبيتها

ملك دنياه من يملك هواك وحلمه المنشود يا كم سلطان رحتي من يديه و زال سلطانه

ما زلت بدويٍ لو عطوه اليمن والشام ماتسوى بعينه سجته مع مغاتيره

كل مستغني عن الناس مهيوبٍ حماه يكبر الرجال لا صار محدٍ يملكه

ومن ساق جاهه لا ادرك اللي يبي ، مجبور يسدد " جميل الناس " تسديد فاتوره