هههه شوفو رأي فوكو وسيرل عن دريدا 😂

ع سالفة المسلسل الجديد Dahmer الي يگول انه هو لو متربي ويه ناس زينين چان طلع انسان زين هذا غالباً غلطان،،العلم بالجديد ينطي الثقل للجينات وللbrain development داخل الرحم،وهاي ادلة اجت من دراسات التبني والتوائم والات تصوير الدماغ الحديثة..التنشئة الها دور بس عادةً اكو استعداد جيني

اني شايف الي متأذي هواية من اهله بالطفولة اما يصير قاسي وما يحس بالم المقابل او يصير كلش حساس ويتأثر بشكل قوي(اقوى من الطبيعي) اذا يشوف احد يتأذه گدامه: معناها الأول جيناته ما تحمل صفة الempathy والثاني جيناته تحملها،،، والصعوبات تجي تخلي الاستعداد الجيني يصير التعبير عنه أقوى.

اعتقد الأجيال هسة دتواجه صعوبات جديدة(ما منتبهين الها احنه قبل او نعتبرها شي بديهي مقبول او ممكن أصلاً ما چانت موجودة هالصعوبات) اتوقع احد أسبابها تغيرات بسقف التوقعات expectations وتغيرات ببعض القابليات العقلية: الجيل الجديد يمل بسرعة ويحب التغيير واشوف هواية عدهم مشاكل بالتركيز

سؤال (سؤال جدي مو انتقاد ولا استهزاء)، من تتمرض شتسوي واذا رحت طبيب شلون تلتزم بالعلاج او اذا احتاجيت عملية شلون تدخل عملية وانت ماعندك ثقة وبهيج سالفة حساسة وخطرة؟

بعيداً عن كل التعليقات الخرط الي راح تصير، علمياً التحكم بالصفات الشخصية الها ثلاثة مصادر وترتيبها من الأقوى الى الأضعف: جينات، نمو الدماغ و البيئة. وهذا ينطبق على الميول الجنسي: هذولة البنات اذا چانو MZ twins يعني جيناتهم نسخة طبق الاصل فالاختلاف يصير بعمليات نمو الدماغ.

اتمنى محد ينخدع بتحليلات وتفسيرات ونصائح جماعة قوانين الطاقة والجذب وبرمجة العقل الباطن

خرط الاعلاميين شوكت ينتهي! الرشاد صح مكان تعبان حاله حال مؤسسات الدولة بس هو مصحة الامراض المزمنة الوحيدة هنا والاطباء هناك يحاولون يسوون الي عليهم..اما سالفة انه ادويتهم تخلي المريض يسوء والتلميح بأنه اشبه بمكان للتعذيب فهذا كله خرط ومحد يدخل هناك اذا ما مشخص بمرض وفعلاً يحتاجه

العبارة الأخيرة،،،،،،تعليق الأحكام حتى لا تتطفل على الأشياء نفسها🙏

هاي هواية يحتاج ننشرها! التويتة الممسوحة چانت اعتراض ع سالفة نشر عدد الكتب الي نقراها لان مو مهم، المهم هو نوعية الكتاب والمعلومات الي بي!! يعني التقليل من اهتمامات الناس وفعالياتهم بحجة انها سطحية ومو جوهرية! مثل سالفة الكلية بس للعلم مو مكان تتونس بي ومو مهم تسوي حفلة تخرج!

الدجاج دخيل على الكباب، واللحم دخيل على الگص!

كأطباء نحصل هواية عبارات امتنان من المراجعين...بس يحتاج المراجع يعرف احنه هم غالباً ممتنين الهم، لإن احنه هم نطلع بفائده من اللقاء بيهم وبعض المراجعين يساعدونا على التغير نحو الاحسن.

اني گايلها قبل:إن طلاب كلية الطب الي يحبون الطب النفسي او المهتمين بالمشاكل النفسية غالباً يحبون بيها وتجذبهم المواضيع الغير علمية والي ماعليها أدلة...ولو يشوفون الشغل الحقيقي ويه المريض شلون يتم ومدى استجابة المريض چان شافوه شي عادي وحاله حال بقية الفروع وببعض الاحيان مرهق ومحبط

الي يعرفني يعرف شگد كاتب على هذي الجملة قبل 😂. اتمنى ان تعرف الناس ان المرض النفسي مرض حقيقي حاله حال اي مرض ثاني: مثل ما ان الربو مرض حقيقي يصيب الشخص وهو مو ضحية لشخص آخر، اضطراب الوسواس القهري/اضطراب الكآبة/اضطراب القلق العام/الادمان/الفصام..الخ مرض حقيقي والمصاب مو ضحية أحد

هاي معاناة يومية..مو بس ويه الناس وانما ويه الأطباء وطلاب كلية الطب للأسف. وطبعاً هذا دليل على انه تدريسنا لمادة الطب النفسي بالكلية مو بالمستوى المطلوب الى درجة ان قسم من الطلاب يطلعون من الكورس وهمه ماعدهم معرفة زينة بطبيعة المرض النفسي.

اذا چان المقصود بالقدر هي العوامل او الظروف الخارجة عن سيطرتنا فبرأيي ان القدر هو الأقوى واله حصة الأسد بحياتنا.