ِ ِ حطيت بيني وبين أهل الردى حاجز فعولهــم ضــايعه ما تشــبه فعولي والله مانــي على رد الخــــطا عاجز لكني احشم مقــــامي وأحترم قولي ِ ِ #ماجد_لفى_الديحاني ِ

ِ ِ سرقت راحة سنيني يا قِطـــار السنين واستوطن الحِزن دار الدالهين وهجع حديث نفسي مع الذِكرى يزيد الحنين وحديث نفسي معا نفسي يزيد الوجع يعني على كـل حال انا الوحيد الحزين يعيش حـالة حزن ويعيش حالة فجع مواطن الذكريـــات ترجّـــع الراحلين وانا اكثر انســان لا من صد عنها رِجع ِ

ِ ِ لا جـاك مطيـورٍ سملـق يـحـب الـهـرج فخلك على قول الزلامي على الـصامـت تـرى لا عطيتـه وجه جاب العلوم العرج وتـقـول عـليـك بـهـرجةٍ تفرح الشـامت تعامل بـشده لاتجي فـ المكـان الـحـرج خبول العرب عن ساقط الهرج ماصامت ِ ِ #ابن_هندي ِ

ِ ِ كلٍ يشوف أنه على الحق ومصيب حسـب اعتـقاده والظـنون أوهمنه بالمختصر محدٍ يرى بنفسه العيب لكـن تـوكـل وأجعـل الـعـفوا سـنه ِ ِ #خليف_الزريق ِ

ِ ِ ِ #صباح_الخير ،، ِ ِ صبـــاحُ أحبتي خـــيرٌ وسعدُ وعيشٌ في حمى الرحمن رغدُ قلـــوبٌ بالمحــبةِ عامـــراتٌ معَ الإشـــراقِ بالأذكـارِ تشدو توكلُهـــا علـــى ربِّ الـــبرايا كما الأطيارِ في الإصباح تغدو ِ ِ #أحمد_البركاتي ِ

ِ ِ تدري وش الحاجه اللي تتعب اعصابي لاجاء رفيقـــي يبي فزعــــه وانا ما قدر طاح الفشـــق والحزام وطاح مشعابي لو سقت عـذري اشوف الناس ما تعذر يالله بــــرزقٍ يجملنـــي مـــع اصحابي لو ان بعض العطاء في بعضهـم ما ثمر وانا على الغــــانمين اســــوق ترحابي ما كـــل من كثــــر

ِ ِ انبشمنا مــن تصــــاوير التباهي كــلٍ يصــــور مــــواعينه ونومه ان طبخ له كبسةٍ وان صب شاهي بثها للنـــاس مـــدري وش لزومه اشكـــر النعمه ترى يا خوك ماهي للتفـــاخر فيه فــــاقد قوت يومه ِ ِ #عمر_المضحي ِ

ِ ِ ارجـوك جفـت دمـوعي لا تبكيـــني يكفيني اللــي مــن الهجران قاسيته ياما مـن الدمــع لاجلك هلته عيني لا اوحيت طاريك غالي الدمع هليته ما تــدري انه علـــيك الــود طاويني ما تــدري انه عليك الليل ما امسيته ما تــدري انـك بـنـــار الحب كاويني ما تــدري انه عليــك الشــوق غنيته

ِ ِ تعال خاشــرني ترى الحي للحيّ الخــير خــير الله ماهوب خيري حلفت ما اكنز من حلالي ولاشيّ كيف اكنـزه وانا ادري انه لغيري عســى بيـوت ٍما لجـــدرانها فيّ تصيبـها دعـوة الاميـر السديري ِ ِ #فلاح_القرقاح ِ

ِ ِ باب الفرج مفتوح والرزق مضمون عند الكريم الواحــــد النافع الضًارْ لا تلتفت للنّـــاس واللــــي يقولون ما عنــــدهم جنًة ولا عنـــدهم نار ِ ِ #مبارك_العتيبي ِ

ِ ِ إسمعوا إياكــم أعني وإسمعي يا جاره والله إن أحوال بعض العالم المشهوره مثل جملة تنكتب في مْرايــــة السياره ( تبدو الأحجام أصغر منّهـا فالصوره ) ِ ِ #فيصل_العطاوي ِ

ِ ِ ابتسم ترى العمر تحصيل حاصل كن سعيد اكثر تكون اكثر وسامه الســـلام اسهل أسـاليب التواصل واجمل انـــواع الســلام الابتسامه ِ ِ #محمد_جارالله_السهلي ِ

ِ ِ بعض العرب بـين الريـا والتهـوّر تصــوير لا سـافر وتصوير بالبيت مــا باقـــي الا في صـلاتـه يصـوّر ويقول شوفوا صورتي يوم صليت ِ ِ #حمدي_العوفي ِ

ِ ِ بين الكلام اللي نقوله وننساه وبين الكلام اللي تقوله ظنوني اللي يعذرب كل ســاعه مزاياه تراه مثل اللي يقول امدحوني ِ ِ #عساف_بن_سعد ِ

ِ ِ يالادمي نعمــه المعبــود قدرها استغفر الله وشيل الهم من بالك كــم نعمه عندك وغيرك يدورها العــافيه والنظر والرزق و اعيالك ِ ِ #زيد_العميري ِ

ِ ِ افرح ليامنّي تضــــايقت بالحيل وآضيق لامن الفــرح وصل حده الضيق يوحي بالفرج والتساهيل والا الفرح ما يوحــــي الّا بضده ِ ِ #زامل_السبيعي ِ

ِ ِ بين الخطايــــا والتغافل والعفو الناس تاهت في مْصافحهم يِدي اللــــي هقيت انه ردي طلع كفو واللـــي هقيت انه كفو طلع ردي ِ ِ #فيصل_العطاوي ِ

ِ ِ تبـي الحقيـــقه كلهـــا والصـــراحه وتبي الكــلام إللي يـكفي عن البــوح بعـض العرب بعده عن العـين راحه وبعض العرب بعده مثل نزعة الروح ِ ِ #زعل_الرشيدي ِ

ِ ِ علي الحرام اني مااحب الجمايل فيّ لو ان الجمايل تفرج الضيق والشده انا ما يصغّر نفســــي بْعيني الا شيّ ليا جاني المعــروف وازريت لا ارده ِ ِ #حمود_خلف ِ

ِ ِ تبي تّصَـدَّق ولو من دون تنفِق ريال الأجر ماهو بمشـــروط ٍ بدفع إنّفقَه الكلمه الطيّبه كالشجــره أُم الظلال والابتسامه بوجه المسلمين إصّدقَه ِ ِ #عايض_بن_عايشه ِ