En inglés salty e savoury significan ‘salgado’, pero un é ‘máis salgado do que resulta agradable’ e o outro ‘salgado na medida xusta’. O mesmo pasa co par hot/warm. En galego e nas demais linguas latinas ibéricas ese matiz adoita modularse cos verbos ser e estar.

Novidades chegadas da imprenta.

A tradución audaz de Jairo Dorado no primeiro libro esloveno que se publica en galego.

Hoxe cóntovos que a palabra galega "lura" vén do mozárabe "lula", e esta de "lolligo", que era o nome da lura en latín. En cambio, a palabra castelá "calamar" vén do italiano "calamaro", que significa 'tinteiro', pola tinta que botan estes animais.

Non sei se hai moitos países ademais de Italia que teñan privatizada a praia.

Momentaço europeo falando no coche en galego mentres o navegador fala en inglés, a radio en esloveno e os sinais están en italiano e friulano.

No castelo de Duino, onde Rilke compuxo as súas Elexías, podedes ver un dos convites que mandou o rei de Grecia á realeza europea para probar o seu barco novo do trinque, o Agamemnon. Aí foi onde Juanca o Borbón coñeceu a Sofía.

O fume dos incendios de Portugal na miña casa (Cangas do Morrazo). Como pode alguén non querer esta marabilla?