ماهزك الشوق ولا ماجذبك الحنين
أنا ترى مابقى بي حيل وأنا أنتظر
واقف !وأناظر مكانٍ منه عادة تجين
مجيّك اللي يذكرني مجيّ المطر
ماباقي الا أتهوّر وأنشد العابرين!
مامركم عود موزٍ في علوه ثمر
يا غايبة عن نظر عيني متى ترجعين؟
ماعاد فيني على شوفتك قطرة صبر..
عين المها ورمشها كن رميها فيني
ترمي الحنايا ومن نظره تداويها
والخشم سيف الهلالي للمعاديني
لا سل شهرات حدبا من يباريها
والخد بستان جوري مع رياحيني
والشّامة اللي على خدوده تحليها
له بسمتن لبتسمها تضحك سنيني
ياكن ماشفت في سنيني بلاويها ..