#بس_اقول عينك عـلى عيني تمادت ومانت يوم اطولت باسبابها في سهرها والروح لك حنت وطابت ولانت روحك لها ضمت وحبك اسرها صـورتْك في عيني تجلت وبانت يا سعْدها . يا شوفها . يا قمرها #سليمان_العليّان

#بس_اقول من صـيّر الـكـبر مـلـبوسـه ومركـوبه تبـلى هـدومـه وبالـحـقـران مقعـاده الـكـبر سـاس الخـزا مبـداه واسـلوبه والنـاس عن صـاحبـه ما هي بنشـاده من عقدة النقص نفسه دوم معطوبه قـدره نـزل وانـتـهى والـكـبر ما فـاده #سليمان_العليّان

#ساعه_استجابه يالله ياللي مـا يـخـيـب الـرجـا فـيك يـا واحـدٍ كل المـخـالـيـق تـنـصـاك ترحم ضعيفٍ جاك مخلص وناصيك يرجي مع الرحمـه جـزايـل عـطـاياك في يوم ذا الجمعه بـهمـه يـنـاجـيك لا تحْـرمـه يـا مـالك امـره هـدايـاك #سليمان_العليّان

يـا شـوق روحي يـا مداوي جروحي لا تـبـتـعـد عـني تـراني لك احـتـاج أنت اجمل اوقاتي وضحكي ونوحي وانت السـعه يا راحتي وانت الافراج يـا سـري الـغـالي وصـوتي وبـوحي مـتى صـباحـك يا مـنى العين ينباج #سليمان_العليّان

يا غـالي احبابي تراني لك اشـتقت متى تجي تطفي لظى نار الاشـواق حنيت لك بلحيل وارعدت وابرقت والـعـين تـرقـب كل مـا لاح بـراق ما غيرك احدٍ له هويت او تعشقت وانت الوحيد اللي اصبحت عشاق #سليمان_العليّان

تصحيح : سقطت كلمة (له) في آخر بيت حيث صحته : وانت الوحيد اللي له اصبحت عشاق شكراً للأخ الشاعر : إبراهيم السهلي على التنبيه 🌹

#بس_اقول مـن نظـرتـك قـلـبي بحبـك تولّع يا ويـل قلبي من مطـالـع عيونك واذوب لا شـفتك بمشـيـك تدلّع تسـبي نـظـر عيـني بزاهي فنونك بـاب الحـلا يبـقى بدونـك مخلّع كيف الحلا يصفى ويروى بدونك #سليمان_العليّان

#بس_حبيت_اقول يا شوق منك القلب ذايب ومنصاب ليتك تخفف لاهـبـك عـنـه يا شـوق لـه مـدةٍ عـايب وذايب . . ولا طـاب بين الولع والضيق شـاقي ومـرهوق إبـعـد وخـله للامـل يـفـتـح البـاب إرفـق على قلبٍ بصـاليـك محـروق #سليمان_العليّان

#بس_حبيت_اقول عيـني تهنت يا غـلاهـا بـشـوفك واروت ظماها فيك وانور نظرها والـبـال داعبتـه وعيـا يـطـوفك والروح في حبـك تجـدد خـبرها شاقتني الفاظك وحالي وصوفك والعـين طيفك يا هواها عمـرها #سليمان_العليّان

#صباح_الخير_والسعاده_للجميع بانت على عيـني لـحـبـك مـلامح من نظـرةٍ في حضـرتك سـارَقتها وانا لنظـره مـنـك محري وطامح والعـين عـينٍ مـنـك مـا فـارقتها وان كان لديت النظر عنك سامح مـن شـان مـن نظـراتنـا حارقتها #سليمان_العليّان

#يوم_Iلجمعه لا تغـلي الدنـيـا وترخص مبـاديك تخسـر مقامك واحترامك ودنياك لا تـترك الدنـيـا تبيعـك وتشـريك ثم تنخـدع فـيهـا وتكثر خطـاياك دام الكـرامـه والـمـعـزه تـنـاديك لب الـنـدا . . لا تترك العـز يجفاك #سليمان_العليّان

#بوح_اخر_الليل روحي تـغـنـت بـك وقـلـبي تمناك والعـين ما فـارق نـظـرهـا خيـالك وان غبت عن عيني على بالي القاك والدرب لك للقلـب عـابـر وسـالك أرتـاح لك وارجيك واغليك واهواك والـود مـن قلبٍ ملكتـه صـفى لك #سليمان_العليّان

#منيره هـذي منيره بالمحـاسن منيره وانوارهـا في كل عـينٍ سـنـاها لها بعلم الطيب مبـدا وسـيره والخـير مبداهـا وهـو منتهاها يا سـعد عين اللي جواره منيره ما عاد يرغب بالخلايق سـواها #سليمان_العليّان

نسنس على مغليك نسناس الاشواق واهتز غصن القلب من شدة الشوق أنت الحبيب اللي للاحسـاس سـراق والبال من فرقـاك للضـيق مسـروق عـجّـل تـرا خلك من الشـوق ما راق لـيتك تجي يسـعد ويـرتـاح ويـروق #سليمان_العليّان

#رساله_اليوم سـافر بامـان الله وتـرجـع بامـانه عسى السعاده والسلامه طريقك بـالي معـك والقلب عندك امـانه واحساس روحي يا هواها رفيقك في حضرتك لك زود قـدر ومكانه وان غبت يبقى في عيوني بـريقك #سليمان_العليّان

#فضفضه_مشاعر مشتاق لك والبال دايـم بطـاريك عساك مثلي يا هوى البال مشتاق نفسي تسـولف بك وقلـبي يغنّيك والعـين فيهـا من مـواريـك بـراق يا غالي احبابي من القلب اناديك مشتاق لك بلحيل والشوق حراق #سليمان_العليّان

#فضفضه_مشاعر زيـن الحـلايـا زهور الـزين يقطـفها بـين الحـلا والبهـا صـافي مـواريده فيه المحاسـن عيون الود تكشـفها والمنطق اللي يحب السمع ترديده يـاعـد ويقطـع مواعيـده ويخلـفها ليت المغـره تكون اقرب مـواعيده #سليمان_العليّان

ودعـتـني والقلب ذايب من الشـوق يرجي عقب فرقـاك للوصـل ميعـاد كان اللـقـا طوّل ويشكي من العـوق تـبـقى لي الذكـرى مـواعـيـد وبـلاد والشـوق يدنيني وانـا منـه محـروق واعيش لحظاته على رجوى الاسعاد #سليمان_العليّان

#رساله_اليوم إحفظ لسـانك واترك القيل والقال وايـاك ســر الـغـير للـغـير تـبـديه والزم مسار الصدق في كل الاحوال واللي هـقى بـك لا تخيّب هـقـاويه والـود خـله من سـحـايبـك همـال والنيـة الـبـيضـا مـفـيضـه وواديه #سليمان_العليّان

#بوح_اخر_الليل تفضل ، ، القلب بيتك يا بعد حالي يـا صـادق الـود واغـلى واحـدٍ زاره واشرب شراب الموده صافيٍ حالي وانعـم بجـوه وحبه واقطف اثماره من دونك القلب يا كل الغـلا خالي بـك يرتفـع يا رفيـع القـدر مقـداره #سليمان_العليّان