قالوا تعيش بعزلتك دايماً ليش قلت السعادة فاز فيها عكاشة ولأن المذلة شرط مع لذة العيش هربت من نور ٍ يميت الفراشة دنيا ويغري نورها من بهم طيش وكلن يدّور من وراها معاشه قصّت جناحين الصقر وافي الريش وخلّت ضعيف النفس شيخ ٍ وباشة قررت أعاملها بجفوة وتتطنيش في

#للتوثيق حبك حفرنا له صدور ودفناه عايش معي للموت ي سرّ محياي كفنّته أشواقي و ودعته الله ماعاد لي حيله ولاعاد لي رأي حبك نقلته في خفوقي لمثواه حتى أنتقل به بعد موتي لمثواي #سعيد_بن_مناع_الشمراني

#للتوثيق تعبت ادور في حياتي عن انسان يستاهل أهديه الوفا والمشاعر مافيه وجهٍ مدّ له كفي إحسان إلاّ منح ظهري طعون الخناجر #سعيد_بن_مناع_الشمراني

#للتوثيق اللي رحل عني ولاهو براجع رسالتي له قبل يرسل سلامه مازلت أحبه رغم كل المواجع وماأتوب من حبه ليوم القيامة #سعيد_بن_مناع_الشمراني

#للتوثيق خطاك علمّني دروس وتعلّمت  أكثر من اللي علمتّني المدارس #سعيد_بن_مناع_الشمراني

#للتوثيق أهرب ولكن كل ماأقفيت تقرب ذكراك تلقاني وأنا عاجز ألقاك أنساك يمكن لاغدىٰٰ الشرق مغرب في وقتها مدري ترى يمكن أنساك #سعيد_بن_مناع_الشمراني

#للتوثيق محتاج اشوفك ياعصا عين الاعمى انتي لقلبي من عمى الشوق معكاز الشوق قلب ٍ ملتهب وانتي الماء ضحكة غني في وجه معدم ومعتاز ردي لعيني شوفتك قبل نعمى وارمي قميص الوصل في وجه الاعجاز #سعيد_بن_مناع_الشمراني

#للتوثيق للشوق عينٍ كنّها غفوة الذيب في صدري اللي ماينام إشتياقه يفز لك فزّة هل الطيب للطيب وإلاّ إنطلاق اللي تقطّع وثاقه إضلوع صدري حطّبتها للواهيب والصبر رمّد لاتزيد إحتراقه #سعيد_بن_مناع_الشمراني

#للتوثيق العذر ثوبه قصير وذنبك العاري ماعاد يمديه يستر عيبه لسانك خلاّني أمشي طريق ٍ صعب وإجباري ويتوب ممشىٰ القدم عن درب عنوانك تمشي مع التيه في جنح الدجىٰ ساري ولا تسامح خفوق ٍ صاحبه خانك هيهات هيهات يبقى للثقة طاري في قلبي اللي تجرع كأس خذلانك #سعيد_بن_مناع_الشمراني

#للتوثيق دايم أجامل غلطتك وأنت مخطي وإن قلت جيّد قلت بالعكس ممتاز لعل صبري لاتماديت يبطي وإلاّ تتوب وعن خطاياك نجتاز إلى متى تستنزف الصبر وأعطي وأغيّر النغمة على وضع هزاز يابحر لاتحرج مع الموج شطي تعبت أجامل ناس غالين وعزاز #سعيد_بن_مناع_الشمراني

#للتوثيق من نسج الأحلام نفسي صرت معفيها في لحظة إدراك حلمي ودعّه ظني قلبي تنازل عن أولها وتاليها أحلامي اللي يراودها الزمن عني ماعاد لي حلم وآمالي يكفيها إني بلاها ترى عايش ومتهني أنا أستحي من ظروف الوقت وأخفيها لعل سود الليالي تستحي مني #سعيد_بن_مناع_الشمراني

#للتوثيق في وجه زيف الحياة ووجه الاحلامي صكيت باب الأمل وأغلقت شباكه زملّني الوهم خوف ودثّر الآمي حتى شعوري تعوّد يحضن إنهاكه أنكهت يادفتري خطوات الأقلامي والحبر حافي يمشطًّ خصلّة أشواكه ماتفهم الناس والإّ الوقت متعامي أدركت بإن الضمير يموت بإدراكه #سعيد_بن_مناع_الشمراني

#للتوثيق مسموح ياالغالي من اللوم نعفيك دربك خضر و العذر خلّه لغيري ماعاد يمديني ولا عاد يمديك ألحق بشرك وأنت تلحق بخيري النفس طابت وأقتنع قلب مغليك وأصبح مصيرك مختلف عن مصيري الدرب توك والهبايب تناديك من ذمتي ترحل وذمة ضميري #سعيد_بن_مناع_الشمراني

ألقاك في روحي و فالعين ماألقاك ياليت عيني تحضنك مثل روحي من ذاق لذة نظرتك صعب ينساك ياوجه لاشفته تشافت جروحي لو نهر دجله مشربي لازم أضماك حتى الفرات بدون غيثك شحوحي إما تجي والله على الوصل يجزاك وإلاّ يصير الموت بعدك طموحي #سعيد_بن_مناع_الشمراني

#للتوثيق أقرأ عليك الزلزله لأجل تهدأ ياشوق في صدري من العام مانمت لاجيت أحاول أنتهي منك تبدأ وتردّني يالشوق من حيث ماكنت #سعيد_بن_مناع_الشمراني

وينك من أول عن خفوق ٍ تحرّاك في داخله ريح وصفير الدرايش لولا المحبة والغلا ماتباطاك قلب ٍ يحبك مايذوق الغشايش متأخرة جيتي وأنا أقول حياك مثل المطر وعروق قلبي حشايش #سعيد_بن_مناع_الشمراني

الحلم يأخذنا على درب الأوهام ونهرب من الواقع بدفع الضريبه ياحلمي اللي نظرتك دوم قدّام ترى الحقايق منك دايم قريبة أنت بيمن وأحلامك الغرّ بالشام و كبر الأماني خاتمتها مصيبه كل الصحف جفت مع رفع الأقلام واللي لغيرك صعب كفك يجيبه #سعيد_بن_مناع_الشمراني

بيني وبين الوجد في غيبتك حلْف يرعاه شوق القلب مابين الأحلاف الحب و الأشواق والود و الوْلف في كعبة الأضلاع تسعى و تتطاف بيدك قميص الذاكرة قدّ من خلْف وأستعصم النسيان في سحر الأعراف #سعيد_بن_مناع_الشمراني

ماهو مجرد حب الإنسان لإنسان حبك بقلبي شئ أكبر من البوح كنه شعور الأرض لأهل هتان تهتز من وقعه ويربىٰ به الدوح أجيك غربة روح وأشوفك أوطان تحتاج لك مثل الوطن غربة الروح #سعيد_بن_مناع_الشمراني