الدعوة اللي تجي في ظهر غيب
أعظم هدية من الخل الوفي
بعيد عن ناظري وأقرب قريب
وأنا بحبه وعشقه مكتفي
ياجعل شمس المحبة ماتغيب
وأنوارها دايمة ماتنطفي
#العذب
يامن غرامه حل مابين الأضلاع
البعد عنكم مامعي فيه حيلة
يمكن يزين الوقت وتزين الأوضاع
مافيه حاجة بالزمن مستحيلة
كلي وله والقلب بلحيل ملتاع
عليك ياذات الرموش الظليلة
#العذب
كان قلبي جبل والعاصفة ماتهزه
والعشية رياح الشوق هزت كياني
كل ماقلت يسلى فز عشرين فزه
آه لو يدري المجمول عن شي جاني
زاهي الخد زين القد أحبه وأعزه
أعشقه عشق لو إنه بسهمه رماني
#العذب
ياحبيبي لا على خلك تغلى
اكرمه لاتحرمه طعم السعادة
والله إني عن غرامك ماأتخلى
كل صبح وليل حبك في زيادة
ياقمر خمسة عشر حظك تعلى
فوق كل الناس ماتبغى شهادة
#العذب
أتلذذ بعذب الصوت وأحلى كلام
ويتلذذ بشعري ويتفاعل معه
للعيون النواعس من عيوني سلام
غير لقياه مالي بالهوى مطمعه
أشهد إنه ملكني بالهوى والغرام
فيه هرج العواذل مستحيل أسمعه
#العذب