Við þökkum þeim stóra hópi stúdenta sem tók þátt í Háskólahlaupinu í gær kærlega fyrir daginn og deilum um leið nokkrum myndum sem Kristinn Ingvarsson tók við þetta skemmtilega tilefni. Nánari upplýsingar um hlaupið og úrslit má finna á vef HÍ.

hi.is/frettir/haskol…

Sjálfbærnigreind er nýtt kjörsvið innan meistraranáms í umhverfis- og auðlindafræði við HÍ. Þar fá nemendur þjálfun í vistsporsgreiningum, greiningum á kolefnisspori og lífsferilsgreiningum. Kennslan fer bæði fram við HÍ og í fjarnámi við York-háskóla.

hi.is/frettir/sjalfb…

„Vonandi sjáum við nokkra af einkennisfuglum Íslands nýta fjöruna sem fæðusvæði í undirbúningi varps,“ segir
Sölvi R.Vignisson, doktorsnemi í líffræði við HÍ, sem leiðir göngu á vit farfuglanna í Grafarvogi laugardaginn 13. apríl kl. 13. Öll velkomin!

hi.is/frettir/frodle…

Það viðrar afar vel fyrir þá nemendur og það starfsfólk sem ætlar að taka á rás með Háskóla Íslands í Háskólahlaupinu á morgun, miðvikudag. Við minnum áhugasöm á að hægt er að skrá sig í hlaupið til kl. 17 í dag.
hi.is/frettir/skrani…

Skráning er opin í Háskólahlaupið 2024 sem fer fram miðvikudaginn 10. apríl kl. 15 í nágrenni háskólasvæðisins. Hlaupið er opið bæði starfsmönnum og stúdentum og hægt er að velja á milli tveggja vegalengda, 3 km og 7 km.

hi.is/frettir/skrani…

„Ég vil skilja hvernig rétti skammturinn breytist eftir því hverjir eiginleikar krabbameins og lyfs eru og helst finna stærðfræðilegt samband þarna á milli,” segir Einar Bjarki Gunnarsson, nýdoktor við Háskóla Íslands.

hi.is/frettir/staerd…

Við minnum á að frestur til að skila inn hugmyndum í samkeppnina um Vísinda- og nýsköpunarverðlaun HÍ er 12. apríl. Samkeppnin er opin bæði nemendum og starfsfólki HÍ og verðlaun fyrir fyrsta sætið nema allt að tveimur og hálfri milljón króna.

hi.is/frettir/auglys…

Rannsóknaverkefnið Intelligent Instruments, sem hlaut styrk frá Evrópska rannsóknarráðinu til ársins 2026, hefur verið flutt á Hugvísindasvið HÍ. Verkefnið var sett á laggirnar árið 2021 við Listaháskóla Íslands og hann verður áfram aðili að verkefninu.

hi.is/frettir/intell…

Veðurstofa Íslands og HÍ endurnýjuðu samstarfssamning sinn um nám, kennslu og rannsóknir á dögunum. Aukin áhersla verður á samstarf um doktorsnám á fagsviðum Veðurstofunnar, m.a. veður, loftslag, jarðhræringar, jökla, ofanflóð og auðlindir.

hi.is/frettir/vedurs…

🔁 Enabling #mobility and #exchange is part of our mission to enhance collaboration between Aurora universities. At Universitat Rovira i Virgili 🇪🇸 to kickstart our work on mobility and internationalisation within the framework of the #Aurora2030 programme.
#EuropeanUniversities

Heiða Árnadóttir og Gunnar Gunnarsson flytja efni af plötu sinni Tunglið og ég sem inniheldur tónlist eftir hinn mikilvirka Frakka Michel Legrand við íslenska texta á Háskólatónleikum 20. mars. Aðgangur er ókeypis og tónleikunum verður einnig streymt.

hi.is/frettir/heida_…

Styrktarsjóður Áslaugar Hafliðadóttur við Háskóla Íslands, sem vinnur að eflingu íslenskrar tungu, auglýsir eftir umsóknum um styrki. Umsóknarfrestur er til og með 15. apríl.

hi.is/frettir/styrki…

Á námskeiðinu Galdrar og geimverur hjá Endurmenntun HÍ fjalla Ármann Halldórsson, kennari við Verslunarskóla Íslands, og dr. Sveinn Guðmundsson, mannfræðingur og jafnréttisfulltrúi við HÍ, um dægurmenningarfyrirbærin Star Trek og Harry Potter .

hi.is/frettir/mikilv…

Við þökkum kærlega þeim stóra hópi sem kíkti á sýninguna „Ljáðu mér vængi. Ævi og áhrif Vigdísar Finnbogadóttur“ í Loftskeytastöðinni um helgina. Sýningin verður opin áfram, nánar tiltekið frá miðvikudögum til laugardaga frá kl. 13-17.

loftskeytastodin.hi.is

Dagskrá í Veröld og Loftskeytastöðinni í tilefni af opnun sýningar um ævi og áhrif Vigdísar Finnbogadóttur er í fullum gangi. Klukkan 14 er að hefjast viðburður Veröld þar sem tíu einstaklingar heiðra Vigdísi með örfyrirlestrum.

Viðburðurinn er í streymi
vimeo.com/event/4154395

Sýningin Ljáðu mér vængi. Ævi og áhrif Vigdísar Finnbogadóttur hefur nú verið formlega opnuð í Loftskeytastöðinni við Suðurgötu. Opið hús verður Loftskeytastöðinni og Veröld í dag og á morgun kl. 12-16 og þangað eru öll áhugasöm velkomin.

hi.is/vidburdir/ljad…

Sýningin „Ljáðu mér vængi. Ævi og áhrif Vigdísar Finnbogadóttur“, sem er í Loftskeytastöðinni við Suðurgötu, verður opnuð almenningi dagana 16. og 17. mars milli kl. 12-16. Boðið verður upp á fjölbreytta dagskrá samhliða opnuninni og aðgangur er ókeypis.

hi.is/frettir/ljadu_…