Министерството за внатрешни работи има силен сојузник во Фондација Заев. Денеска на министерот за внатрешни работи Оливер Спасовски предадов донација од 6 мотоцикли за потребите на македонската полиција, со цел подобри резултати на повеќе организациони единици при Министерството.

Актерката Сања Арсовска е позитивен пример дека со постојана работа може да се има убава успешна приказна. Актерството како уметност придонесува за популаризација на традицијата и културата на нашата земја и создава мост за зближување и меѓу народите. tinyurl.com/jwu7rd72

Одговорот е во сојузништвото на умерените и прогресивните сили во светот. Потребно е тие решенија и одговори да ги имаме колку што е можно побргу за да им се одземе иницијативата на радикалите и екстремните популисти. #EconRoundtableGR

Како лидери на земји, поранешни и сегашни, им должиме на граѓаните да ги решаваме проблемите, да го одржуваме мирот, и да создадеме услови за развој и подобар живот за сите. #EconRoundtableGR

Денеска на форумот на Economist Impact SE Europe Events во Атина кој се одржува во сенката на заканите на неколку воени жаришта во светот, дискутиравме околу безбедносна состојба во Косово, Блискиот Исток и Украина. #EconRoundtableGR

Фондација “Заев – едно општество за сите” дава придонес со стипендирање на струмичките таленти и тоа 13 основци и 10 средношколци за учебната 2023-2024 година.

Влогот во нашите млади и во нивното образование е највредната инвестиција во заедничката сегашност и иднина.

Добредојде во Струмица за другарот Алексис Ципрас кој денеска ми е на гости во приватна посета. Особена чест ми е што пријателството меѓу Северна Македонија и Грција 🇲🇰 🇬🇷 и моето другарство со Αλέξης Τσίπρας - Alexis Tsipras преминуваат во трајни и скапоцени вредности.

Сите партии демонстрираат одлучност за членство на Северна Македонија во ЕУ. Во тоа име повикувам на одговорност и на постапки со кои ќе ги обезбедиме сите услови и ќе го искористиме поволниот геополитички момент за наше членство во Унијата најдоцна до 2030 година.

Пет години после референдумот за нашиот историски исчекор напред, исправени сме пред нови комплексни предизвици. Нашата влада успеа да најде компромисно решение со Бугарија претставено во европскиот предлог и во нашата преговарачка рамка.

Иако опозицијата го бојкотираше референдумот, граѓаните од мнозинскиот демократски блок излеговме масовно, гласавме и потоа заедно со нашите сојузници успеавме да ја внесеме земјата во НАТО, а денес веќе сме во почетната фаза од преговорите со ЕУ.

610.000 граѓани гласаа ЗА на референдумот и ја поддржаа каузата “Излези ЗА европска Македонија” што е најголемата поддршка дадена при непосредно гласање после независноста. Бројот на ЗА е поголем од бројот на гласови на сите победници на сите избори во историјата на државата.

🇲🇰🇪🇺 30 септември 2018 година е важен ден во современиот развој на Северна Македонија. Тоа е денот кога македонските граѓани од сите етникуми во огромен број излегоа да дадат поддршка на историскиот Договор од Преспа, со цел земјата да ни стане членка на НАТО и ЕУ.

Договорот од Преспа ни донесе и надеж, и горчина, и стремеж, и сомнеж. Но, најважно од сѐ, ни донесе стабилност, сигурност, јасна перспектива и сила за подобро утре.

Пет години сведочиме искрено македонско-грчко пријателство, пет години градиме заедништво од темел. 🇲🇰🇬🇷

Да се биде полицаец значи да се биде доследен на својата професија, чесно и одговорно да се извршуваат професионалните задачи и да се биде пример за сите граѓани. Полицијата е наш  бескомпромисен чувар на законот и јавната безбедност. tinyurl.com/3nhszukr

Нека ни е честит и вековит 5 Мај – Денот на македонскиот јазик.🇲🇰

Горд сум на фактот дека овој Ден беше востановен во 2019 година на моја иницијатива, како претседател на Владата на Република Северна Македонија, и веќе петта година, 5 Мај се слави како Ден на македонскиот јазик.

И институциите, и компаниите, потребно е да ги согледаат и да ги поддржат способностите, заложбите и капацитетот на нашата младина и на тој начин сите заедно да направиме повеќе за нашата сегашност и нашата иднина.

Младиот Никола Маркоски ни покажа дека и дома се успева. Тој е директор на развој во “Грин Машинс”, а се врати од Германија како успешен научник во полето на физиката да допринесе за поголем успех и развој на нашата држава.

bit.ly/3H6NFoY

Во чест на 7 Април – Светскиот ден на здравјето, Фондацијата „Заев – Едно општество за сите“, донираше хируршки микроскоп „OPMI Movena/S7“ за потребите на пациентите на Клиниката за пластична и реконструктивна хирургија од Скопје.

Здравјето е нашиот живот и затоа мораме постојано да го унапредуваме. Затоа донираме во јавното здравје, а со тоа и во нашето општество и нашата иднина.
bit.ly/415XNWI

Oва е време на борба на умерените со радикалите и колку порано умерените леви и десни лидерства и граѓанства се запознаат, се здружат и oсојузат, толку поскоро и полесно ќе си го спасиме Балканот од искрите
национализам.

➡️ library.fes.de/pdf-files/buer…