علي المفضلي
@a1bmz
ID:1423831594175959046
07-08-2021 02:21:39
23 Tweets
20 Followers
113 Following
والعز عشقً في خفوقي له اجلال
ما اقدر اخونه دامه اللي صفا لي
ومن كثر مافي راسي العز ينهال
تحرم يميني ماتحاضي شمالي
#علي_المفضلي
سجةً بين النشاما فالهجادي
تطرد اهمومً يباريني بلاها
خالطة دمي وعذبة فؤادي
كنها نارً يصاليني لضاها
نسري ابخبتً يحليه البرادي
والمطر والنار والخيل وهواها
ذا هوى روحي وذا غاية مرادي
ذا دوا قلبي من الدنيا وغثاها
#علي_المفضلي
جيتك وانا مشتاق كني جايعً يلمح رغيف
في كف شيخً مايرد اللي يجيه ولا يضام
جيتك وانا من كثر شوقي مندفع مثل الكفيف
اللي يشوف النور في آخر تفاصيل الظلام
ووالله اني جيتك الليله وانا لي حق ضيف
وانتي كريمة والعرب ماتعجب الا بالكرام
#علي_المفضلي
انتي في عيني حياتي وكل شي بالكون هين
الا دمعه من عيونك ثامن السبع العجايب
شاعرك مايبي سواك يالقلب الحنين
لو يمر العمر كله في رجاك ماهو بتايب
#علي_المفضلي
بين ليلً يلاعبه النسيم اليا تبين
وبين قمرا يخالطها الصباح بين السحايب
تاهت اعيوني وهي تتأمل الحسن المزين
وضاعت اعلومي وصارت كنها هب الهبايب
ياقمر والله ان قلبي لغيرك ما تلين
وان قلبي من سوالف حبنا هايم وذايب
#علي_المفضلي
يامرحبا بلي به القلب مجنون
يبطي ويبقى داخل الصدر داره
اغليه كنه بالغلا كنز قارون
واحشمه حشمة من زبن عند جاره
وهو ملكني بالغلا ملك هارون
واعتز في ملكة بعد شب ناره
#علي_المفضلي
المزحة الي صارت الحين زله
والله ماجتها خباث النوايا
ماتدري ان ضيقك على الكبد عله
والعين ما نامت سوات الرعايا
ماودي أن الشره دقه وجلة
ياتي بخاطر من يحب الحمايا
ماكنت اضن اسيف لازم يسلة
والصدمة انه سل بين البرايا
فالعذر فنجالً وشف قلبي دله
بامد وانتم تعرفون السوايا
#علي_المفضلي
غيدً لعوبً كنها القمر لا بان
متزينه في عيني لو ماتزين
اليا أقبلت اقبل مقابيل ولهان
ماتدري ان العشق واضح وبين
ياليتها تدري وياليته ايبان
انه تلين قلب ماقد تلين
قلبي تولع والله يعينه الان
على غلوي في المحبه لابين
#علي_المفضلي
الحب يكحل ويعمي كل قلبً فطين
مافيه قلبً يميز بين شره وخيره
ابتديته سعيدً وانتهيته حزين
واندفاعي عمى عين البصر والبصيرة
قلت يمكن يجيبة حر شوق وحنين
ولهفةً من هوى عشقي وتأثيره
وانتظرته بلهفه لين شفت اليقين
من جفاني نسى حلو الليالي المريره
#علي_المفضلي #الحب_من_نظره
والشعر مثل الليل الأسود والسدول
والوجه بدرً جل ربً صورة
متميزة تميز الأربع فصول
مالك شبيه ولامثيلً واذكرة
فالهمتني حتى ملأتيني فضول
يا كيف ربً جابك اقدر اشكره
وبالمختصر ولا معي ايت حلول
باعيش كني مثل قيس وعنترة
يما تحبيني ونطوي هالعذول
ولا فموتي ارحم مّن المغفره
#علي_المفضلي
ولاسلهمت عينيك اضيع كل قول
وش حيلتي يام العيون الساحرة
الله وهب حتى عذاريبك قبول
واستغفر الله مافي عذروب أخبره
وقفتك والقامة كما ضبيً يطول
أوراق غصنً فارعً عالي شّجرة
وصوتك أعذب من صهيل خيلً جفول
واليا تكلمتي لماك اناضره
#علي_المفضلي
اعذريني نظرتي فيها ذهول
لني ضننتك من نعيم الاخرة
وحسيت في قلبي مثل دبك الخيول
في غزوةً والله ماهي خاسرة
انتي جمالك من يخبل بالعقول
كن الجمال اليوسفي مّشاطرة
وانتي كمال الحسن يالوجه الخجول
بسمتك صبحً لليالي ذاخرة
#علي_المفضلي