يا انسجامي يا سكون الراحه النفسيه يا طرب يا فن يا عزوة شجيع اخوانك اسمي اللي من رحاب اوتارك الصوتيه لا سمعته قلت حي الله وصح لسانك

يآغناة القَلب يامدهل الصَدر الوسِيع.

يحتويني نوب طبع من الحماقه لو عواقبها ادّعئات ومحاضر اسمعيني والله ان لُب العلاقه انا وانتي لحال والشيطان حاضر

يا وردة ٍ لو جفتها السُحبْ ما جفّت زان الهوى والليالي تو ما زانت أحلى الفساتين ما رقّت وما شفّت وأحبّ الأغصان ما لانت وما دانت حولك جعلت القصايد جُندْ وأصْطفّت واللحظة اللي نطرناها عمر ،، حانت الحلم لا ضاع والفرصة ليا قفّت ثنتين لو هوّنوها الناس ما هانت

اللي يشوفه يسأل الله الثبات سبحان منهو قام في تنسيقها تطق بأصبعها جميع المُترفات ومن زينها مافيه بنت تطيقها وفوق انها غطت على كل البنات ! غطّا على انتاج المناحل ريقها

لو قدرت أفهق شماغي أو افك زراري الضلوع اللي على قلبي شلون أفهقها

توصّيت به كأني موصى بـ سابع جار ماقصرت به حتى على النفس بدّيته

ارحمي من راح في حبك دمارى ياعيون الصقر يارقبة الغزيّل انتي اللي تستحقين المدارى والزعل على عيونك لا يخيّل نعنبوك انتي دمارً للعذارى بالجمال وبالجديل اليا تميّل حكم حبك يشبه لحكم النصارى وراضين بالحكم لو انه اميّل بنت شيخً ما تدّين من تمارى ولا يداني راعي الفعل القليّل

من يطيح بسكّر خدودك و ملح عيونك راح عمره بين حبة ضغط و إبرة سكّر .

فيك من لطف الفقير وفيك من طبع الاماره يا الهنوف اللي .. يعزز زينها قوة نسبها الجمال اللي جمع بين البداوة والحضارة صبه الله .. والله الي في مفاتنها وهبها العيون تشن غاره .. والرموش تشن غاره وان تفاديت العيون الموت من طعنت هدبها

مدري وش اللي مخلي خصرها جايع واللي تحت خصرها "راهي" من الشبعه

الهنوف اللي تزينها الجواهر والجديله نادرة وصف وعفيفه وكامله فيها الوسامه لا قصيره بالوصوف ولاهي العنقاء الطويله تسرق من عيون سهران الليالي احلى منامه

ياقصرها والبنات وقوف وان جلسّن طولها بيّن من شافها مايغض الشوف لو هو حياوي ومتديّن

انت المبتغى وانت ابرك الناس و المطلوب عسى الله يلوم اللي عشانك بذل جهده الأسلوب زين و عادك ازين من الأسلوب و غرامك غرام و ضمتك وحده بـ وحده

ماعاش بـ نعيم وخير غير انت يالسلسال مافيه افضل من الموقع اللّي على اطلاله تمتّع قبل مايصير يومٍ لـ الاستبدال ماتترك ظروف الوقت شيٍ على حاله لكن باقي ومازلت لـ الحين بـ افضل حال اخذ يوم فـ يمينه واخذ يوم فـ شماله

لا نـثرت جـديلها فــوق المتون فـاح دهـن العـود من جـديلها.

خلي يديني على غض النحر شبكة وسمي على قلبك الخايف من الراعة مافيه لذة تعادل لذة الربكة اللي تجي قبل موعدك بربع ساعة

"أذا تجلّى البدر ما بين السحاب تْطالعه .. كنهّا تطالع منظرة"

مجَمل البوسه على خدك الزين وش عاد لو صارت مابين الشفايّا آلذ من الرمان ، والخوخ ، والتين واحلى من السكر رضاب الثنايّا